انت اللي خسران يوم انك تزعلني
والا انا واجد أحبابي وخلاني
ان كان ربي عطاني عمر وامهلني
مصيرك تشوف من يندم على الثاني
بتجاهلك ما هو بس انت اتجاهلني
عهد علي اني انسى من تناساني
واعاملك مثل ما شفتك تعاملني
ان قاله الله وعد ليجيك ما جاني
مسكين حدك اذا مفكر بتشغلني
ما تهز شعرة عشان تهز وجداني
كني اشوفك تجي بكرة تحايلني
وتقول توبة ما عاد اعودها ثاني
واقول لك حل عني لا تجادلني
حرمت انا ما يجي لسانك على لساني
دامك بديت تحداني تحملني
من قال لك يا صغيرون تحداني
