السلام عليكم ورحمة الله وبركاته
قصيده للبنات المستعجلين على الزواج !!!!!
يــــــابـــنــــت
>لاتحسبين العرس توفـي وكتكـات ==== ولا تحسبينه توكـس والا بونتـي
>
>ولا تحسبين العرس كيكة وطرطات ==== وصلة قطعتيهـا ووصلـة بلعتـي
>
>ولاتحسبين العرس تصفيق واصوات ==== وانت على صوت الغطاريف همتـي
>
>ولاتحسبين العرس كوشة ولمبـات ===== وانت كما الطاووس فيها جلستـي
>
>ولاتحسبين العرس احلام في المبات ==== يامـا بنيتيهـا ويـامـا هدمـتـي
>
>ولا تحسبين العرس روحة وجيـات ==== هيا اقضبي بيتك عسـى مانهبلتـي
>
>ليلة سعيدة وانت احلـى الجميـلات ===== تشخص عيون الناس اذا حضرتـي
>
>(واللاينر)حطيـه بــلا زيــادات ===== لا يخـرب المكيـاج اذا دمعـتـي
>
>(والمسكرة) تحتاج لطف ومـدارات ===== حتـى يبـان ازيـن اذا غمضتـي
>
>(والاسبريه )رشيه حتى البصيـلات ===== يمسك شعرك زين ولو كان زدتـي
>
>وترى( المحدد)فن يحتـاج رسمـات ===== يبان رسمـه زيـن اذا ابتسمتـي
>
>العـرس يابنيـة ماهـو شعـارات ===== تفنـى مراسيمـه وتبقيـن انتـي
>
>ويبقى شريك العمر راعي الطويلات ===== هذا هو العرس الحقيقـي عرفتـي؟
>
>اول نصيحة لـك حفـظ الصلـوات ====== صلي العشا والفجر في كل وقتـي
>
>وفي ليلة العرس الموفق وبالـذات ===== إدعـي الكريـم الله اذاسجـدتـي
>
>والتعري لاترضين عند الكوفيـرات ===== ولبسك يملـي العيـن اذا لبستـي
>
>واللي على زوجك تحرضك مـرات =====أرجـوك شوتيهـا شوتـت بلنتـي
>
>والصبر في العشرة حتى على فتات ===== ياماحـلا فعلتـك يومـك صبرتـي
>
>واذا حفظت السـر مـع المـدارات ===== زوجك ترى في عيونه انت كبرتـي
>
>والسوق يعني هاه وقت الضرورات ===== والاتـرى زوجـك يـدور لمفتـي
>
>زيدي الغطاية وكثري في العبايـات ====== والله يرضـى عنـك اذا ستـرتـي
>
>أوصيك بالكبسـة وكثـر اليدامـات ===== حتى لوانـك مـن سببهـا متنتـي
>
>وخلي الرجيم اللي فشلت في مرات ===== سويـه مـرة واحـدة لا ولدتـي
