من كلمات الشاعر سمو الشيخ / ناصر بن حمد آل خليفه ..
!~ يـــــا حبــــي افـــــهم ~!
ياحبي افهم انك بخافقي شي
وان العيون اللي تحبك سهارى
ياضي عين اللي يحبك وياضي
كل الدروب اللي بعيني حيارى
انت الذي مايشبهك بالملا حي
مالوم من سمّاك سيد العذارى
يابو عيونٍ كــل ماناظـــرت في
اتوه وسط الناعسات السكارى
لاشفت وجهك قلت ياحي وياحي
وجهٍ كســـاه النـــور مثل النهارى
انت الحبيب اللي رويت الحشا ري
تروى بــــك عـــــروقٍ لحبك تبارى
في غيبتك ارسمك لامن طرى لي
جمــــالك اللـــي يستحق افتخارى
مدري متــــى برتاح يــا وردة الحي
واشـــوف همي بعـد شوفك توارى
يمــكن ليا شفتك نـزح همي شوي
و يمـــكن ليا شفتك جروحي تدارى
و الا انــت تـدري انـك النـــور والفي
و انـك يمـين و درب غيـــرك يسارى
