قصيده للشاعر محمد الدهيمي
بخصوص الاسعار
قل للسعودي لايدبّر فالمعاش = ماله ومال الناقصه والزايده
يصرف معاشه ويتمدد فالفراش = بعض التجاره ماوراها فايده
العام ضيّعه القيادي والخشاش = واليوم مايدري وش الله رايده
تعبث به التجّار الانذال الغشاش = اللي يمانيهم قصار وصايده
اللي يصفّون العظام من العراش = الين تقرع في صحون المايده
تخطيطهم مسبق وداعمه النقاش = اللي له النظره مهيب محايده
اصيح وانت تصيح والعالم طنااااش = الين صار الحزن حاله سايده
واكبر دليل ان الصنادق والعشاش = نفخر بها بس الاراضي كايده
والمملكه صحراء واراضيها بلاش = تكفي الشعوب الباقيه والبايده
لكن صارت لاتهاش ولاتــناش = مرعى غنم وأسعارها متزايده
وانته مواطن هاك ماش وهات كاش = اشبع من النيّه وهات الجايده
وليا أمتلت من مال الايتام الخياش = اعيادكم يااهل الاراضي عايده
قالوا بها مثل القيادي والخشاش = وان صحت ذاك الحين ويش الفايده
تصيح وانا اصيح والعالم طناش = صيده وصادتها اليدين الصايده
