بسم الله الرحمن الرحيم
السلام عليكم ورحمة الله وبركاته
من حقي اصمت وانت من حقك البوح
حقي عتابك وانت حقك عنادي
ياصاحبي فيما تسويه مسموح
خذ راحتك.. ذا يعتبر شي عادي
لكن فسر كل الاسباب بوضوح
من بعدها كل يحدر بوادي
من يوم شفتك تخلط الجد بمزوح
حلفت ما اخلي عليك اعتمادي
كنت احسب انك بالوفا جيت وتروح
واثرك تحاول كل يوم اضطهادي
وجهت لك نقدي موضوح ومشروح
والحمد الله بان فيك انتقادي
تنسى وتجرح بعد ما كنت مجروح
الكره عندك رمز والحب غادي
حاولت ترتيبك وانا كلي طموح
تعبت.. لكن ماتحقق مرادي
حماسك المعهود مامنه مصلوح
الجمر مهما احمر يصبح رمادي
اللي بقى لك عندي احزان وجروح
واللي بقى لي عندك اغلى اجتهادي
العام كنت اشوفك اغلى من الروح
واليوم اشوفك للأسف شخص عادي
وسلامتكم
