السلام عليكم ورحمة الله وبركاته
يا همي اللي واصل حد عظمـي
خلاص عفتـه والسبايـب تجافيـه
ويا قلبي اللي بالغلا ضـخ دمـي
ما عاد له شوق ولا آريـد طاريـه
انسان كنت آشيـل همـه بهمـي
وآحن له واصبر على الضيم وابكيه
وايقنت باخلاصه على حد علمـي
وعاندت ناس بالرذيله حكـوا فيـه
شربت حبه واثر في الكاس سمي
واعطيته من الحـب حـب يوفيـه
اراه قدامي وانـا وسـط حلمـي
وابكي فراقه واترك الناس وآجيـه
ويومي عرفت الواقع انهار عزمي
واخذت من هم الزمن كل ما فيـه
خلاص لا يطري على باله اسمي
وخله على درب الغوى دام ناويـه
وابياتي اللي بين مدحـي وذمـي
مثل الجمر (عل) الجلد لابد تكويـه
ويا همي اللي واصل حد عظمـي
خلاص عفتـه والسبايـب تجافيـه
.. غيري قالها ..
..
