| اقسى جروح الروح بروازه الصمّـت
اقسى جروح الروح بروازه الصمّـت
ساكـت وليـل اليـاس يعـلـن وصـولـه
اقسى عـذاب الوقـت لا مـن تعشمّـت
بالغـيـم واثــر الغـيـم مبـعـد هـطـولـه
قولـوا لهـم .. قولـوا تـرانـي تعلـمّـت
خـذيـت انــا دنـيـاي صـولــه وجـولــه
قـولــوا تـرانــي بـالـزمـن ماتكـلـمّـت
خايـف علـى البيـرق وذيـك الحمولـه
قولـوا تـرى فــي غيبـتـه ماتهشّـمـت
بالـعـكـس زادتـنــي ثـبــات ورجـولــه
ماطـحـت شـامــخ ثـابـتـن ماتـهـدّمـت
لـو كـان حولـه حـال مـن قبـل حـولـه
هـو يحسـب انـي بأنثـنـي لــو تنـدّمـت
لا والـــذي تـرجـيـه عـيـنـن خـجـولـه
لا مــا انثـنـي لــو مـــت والا تـالّـمـت
مثلـه حـرام اعيـش وانطـر وصـولـه
هـو يحسـب انـي فـي غيابـه تحلّـمـت
لا والـــذي ســـواه مـاشـفـت زولــــه
يمكن على الذكرى مع الليل وسّمـت
جرحـن قديمـن مكتمـل فــي فصـولـه
يمكـن سواتـه لا طــرت لــي تقـدّمـت
لـلـنـار والـجـمـره وعـبــره عـجـولـه
ماهـي بعبـرة ضـعـف لـكـن توسّـمـت
مـن صاحبـن خايـف جروحـي تطولـه
ياصاحـبـي سـاكـت زمــن ماتظـلّـمـت
والقلـب نعـرف بالهـوى وش ميـولـه
خذيـت وقـتـي صـمـت لـكـن تحطّـمـت
ساكت واشوف الغبن عرضه وطوله
سامرت نجـم اسهيـل وسهيـل علّمـت
وش هي سواتك والغدر وش اصوله
درب الـغـدر لــولا الـغـدر ماتجهّـمـت
واقفـيـت اردد قــاف صــدري وقـولـه
مـانـي ضـعـيـف ولا نـويـتـك تـقـدّمـت
ولا انـت بشجيـع ولا خذيـت البطولـه
قـبـل المـفـارق يكـفـي انـــك تلـثّـمـت
وشلت القناع اللـي خـدع الـف دولـه
التعديل الأخير تم بواسطة : الشقاوي999 بتاريخ 23-09-2008 الساعة 13:58.
| 
