هلا هلا بك خيرٍ عند طاريـك
ياشبه سيف يسبق الموت حـده
تحية تاصل سماحـة معاليـك
وتقبله من فـوق راسـه ويـده
صح اللسان وطيَّب الله لياليـك
انا اشهد انك عند قولـك وقـده
كنك تصب من السحايب معانيك
مليـانـةٍ ريـانـةٍ مستـبـده
استغفر الله .. كن ربك مَّوليـك
على المطر يمطر متى ماتـوده
لا يابعد سود الوجيه الصعايـك
اللي لهومات الـردى مستعـده
والا أنت طيرٍ بايناتٍ مواريـك
لياكفخ باعلى السما من يرده ؟!